Analiza e kostove paraqet një aspekt me interes vendimtar si për formulimin e gjykimeve mbi leverdishmërinë ekonomike, ashtu edhe me qëllim njohjen dhe kontrollin e dinamikës së vlerave të ndërmarrjes.

Prandaj teksti Analiza e kostove u drejtohet kryesisht atyre që synojnë të përdorin me kompetencë informacionet monetare dhe sasiore në kuadrin e drejtimit të ndërmarrjes. Meqenëse përdoruesit e informacioneve të kostos duhet të njohin mjaftueshëm se si këto informacione janë përgatitur, cili është kuptimi dhe kufizimi i tyre, teksti përfshin edhe disa aspekte teknike të nevojshme për këtë qëllim është paraqitja në mënyrë sintetike dhe me terminologjinë e duhur e koncepteve kryesore dhe e instrumenteve më të rëndësishme duke respektuar në mënyrë rigoroze vijueshmërinë evolutive të realizuar në temën e kostove nga disiplinat shkencore mbi ndërmarrjen.

Natyra dhe qëllimi i sistemeve kontabile; natyra e kontabilitetit të drejtimit; koncepte kryesore mbi kostot; klasifikimi i kostove në funksion të sjelljes së tyre; marzhi i kontributit dhe lidhjet ndërmjet të ardhurave dhe vëllimit, kostot e plota dhe përdorimi i tyre; aspekte të sistemeve të përcaktimit të kostove; kostot standard, sistemi me kosto variabël, kostot e cilësisë dhe kostot e përbashkëta; analiza e shmangieve të kostove të prodhimit; analiza e shmangieve të kostove që nuk i përkasin prodhimit; vendimmarrjet afatshkurtra ndërmjet alternativave të ndryshme etj., janë disa nga problemet kryesore që trajton teksti.

Për problematikën dhe mënyrën e trajtimit të tyre teksti është i vlefshëm për një rreth më të gjerë se auditorët. Autorët, përvojës akademike, i kanë bashkëngjitur edhe eksperiencën e gjatë në menaxhimin e bizneseve, prandaj kontabilistët, ekspertët kontabël të miratuar, financierët, drejtuesit e ndërmarrjeve etj. do të gjejnë në këtë tekst ekspertiza të plota në lidhje me evidentimin, kontabilizimin dhe shfrytëzimin e kostos edhe në raportet me sistemin fiskal.