Në librarinë e Universitetit Bujqësor të Tiranës gjendet libri: ANALIZAT LABORATORIKE TE DRITHERAVE, MIELLRAVE, BRUMERAVE DHE PRODUKTEVE TE PJEKJES me 162 faqe. Teksti është hartuar me një nivel metodik shkencor të kohës, i kuptueshëm dhe i zbatueshëm nga studentet dhe specialistet e kësaj fushë.
Teksti përbëhet nga tre pjesë: Pjesa e parë Përcaktimi I Cilësive Të Drithërave Dhe Produkteve Të Blojës trajton analizat organoleptike, si pesha e hektolitrit, shkalla e qelquritetit, etj, dhe kimike, si aciditeti, lagështia, hiri, sedimenti, amidoni, celuloza, proteina, luteni i njomë dhe rrezja e miellit. Pjesa e dyte Reologjia E Brumërave trajton përcaktimin e cilësive të miellrave dhe të brumit për buke dhe produkte të brumit, si aftësia ujëthithëse, forca e miellit, zhvillimi i brumit, rezistenca, elasticiteti, viskoelasticiteti, shkalla e rënies se brumit, qëndrueshmëria e brumit, veprimtaria enzimatike dhe klasa cilësorë e miellrave. Pjesa e trete Përcaktimi I Cilësive Të Produkteve Të Pjekjes/Buka, Makarona, Produktet Konditore. Në këtë pjese jepen analizat laboratorike të bukës, si analizat organoleptike, cilësive fizike, lagështisë, aciditetit, përcaktimi i sasisë së kripës, sheqernave reduktuese, prova e bukëpjekjes. Për makaronat trajtohen analizat e cilësive fizike dhe kimike. Në fund të pjese se analizave trajtohen analizat e produkteve konditore.