Jeta e fakultetit është ëndrra më e bukur që ti ke parë ndonjëherë dhe s’do ta shikosh më kurrë.

U shtua në shportë Shiko shportën Kryej blerjen

Morgun e Politikës Besnik Gjongecaj

Autor: Besnik Gjongecaj

Shtepia Botuese: Geer

Botimi i pare

Viti i botimit: 2013

Volum me 439 faqe

ISBN 978-9928-07-155-2

Cmimi: 1200 leke

Peshë 0.52 g/kg

Çmimi: 8.60 

**SHËNIM: Për blerjet online çmimi në euro përmbledh çmimin e librit, shpenzimet e paketimit dhe koston e transaksionit në PayPal. (Shembull – Libri në Librari kushton 1200 lek, Online 12 euro)

Shkruarja e një libri është, në mos për publikun, të paktën për autorin, një ngjarje në jetën e tij. Ky libër është më shumë se një ngjarje; është një kthesë e rëndësishme në botëkuptimin tim. Të qënit profesor për një kohë të gjatë në një nga universitetet e Tiranës më ka dhënë mundësinë të jem edhe dëshmitar i drejtpërdrejtë i rrënimit të tyre. Si çdo rrënim tjetër, edhe ky i universiteteve, mori me vete ç’gjeti; shkuli nga rrënjët gjithçka të mirë që kishte mbetur nga sistemi universitar: dinjitetin, profesionalizmin, moralin, etikën, dhe mbi të gjitha, integritetin e të dyve, profesorit dhe studentit të tij. Boshllëku i krijuar nga kjo shkulje, ku s’mbeti gjë pa u përfshirë, u plotësua me procese degjeneruese, për të cilat edhe më parashikuesit nuk do t’i kishte shkuar mendja që do të instaloheshin një ditë aq brutalisht. Të jesh dëshmitar nuk do të thotë se detyra është kryer. Për vite të tërë, me shumë kolegë të tjerë, bëmë ç’është e mundur të gjenim rrënjët e të keqes dhe të provonim t’i shkulnim ato. Ishte një betejë që nuk dha kurrë rezultat, sepse e zhvilluam në territorin e gabuar, në frontin e gabuar. E zhvilluam në universitete pa liri universitare, gjë që e bëri betejën tonë të pakuptimtë. Për shkak të pushtimit nga politika, beteja për ndryshimin e universiteteve nuk mund të bëhej brenda tyre, por jasht, në territorin e politikës. Universitetet e këtij vendi ndryshojnë nëse ndryshohet politika. Ata janë përfshirë aq shumë nga e keqja, saqë shkulja e saj, madje, nuk mund të bëhet më me mjete universitare, me debat universitar, nga vetë universitarët. Në këtë betejë duhet të përfshihen të gjithë qytetarët e këtij vendi, sepse beteja për ndryshimin e universiteteve nuk është më një betejë e vetë universiteteve, por e politikës. Ja pse në fokusin e këtij libri është vendosur politika e këtij vendi, veçanërisht ajo qeverisëse, djalli që rri brenda saj. Libri është shkruar në një formë dualiste, mbi dy shina, të cilat e ndihmojnë përmbajtjen e tij të lëvizë për në thellësi të ndërgjegjes së lexuesit. Në njërën shinë është vendosur publicistika ime e botuar në gazetat kryesore të vendit. Në shinën tjetër është vendosur një fiction, ngjarjet dhe personazhet absurdë të të  cilit janë produkt i fantazisë, por, si në çdo shinë tjetër, nuk munden veçse të shkojnë paralelel me shqetësimin që mbart publicistika e vendosur në shinën e parë. E gjitha kjo është bërë për të përdorur jo vetëm mjetet e gazetarisë, por edhe mjetet e letërsisë në shpjegimin e krizës politike të vendit. Për të kapur një zonë sa më të gjerë të interesit të lexuesit, në fund të fundit. Një eksperiment të cilin kam guxuar ta bëj.

Share mediat sociale:

Facebook
Twitter
WhatsApp
Email

Koleksioni i Librave Librarinë Universitare UBT

Libra Artistikë
Libra Artistikë
605 products
Bujqësi & Mjedis
Bujqësi & Mjedis
527 products
Ekonomi & Agrobiznes
Ekonomi & Agrobiznes
413 products
Histori & Politikë
Histori & Politikë
197 products
Psikologji & Sociologji
Psikologji & Sociologji
158 products
Bioteknologji & Ushqimi
Bioteknologji & Ushqimi
139 products
Veterinari
Veterinari
130 products
Pyje
Pyje
129 products
Personalitete & Autobiografi
Personalitete & Autobiografi
126 products
Filozofi
Filozofi
84 products
Drejtësi
Drejtësi
75 products
Libra të tjerë
Libra të tjerë
69 products
Nga Mjekësia
Nga Mjekësia
65 products
Fjalorë & Enciklopedi
Fjalorë & Enciklopedi
60 products
Ismail Kadare
Ismail Kadare
58 products
Edicione në Anglisht
Edicione në Anglisht
42 products
Universitete të Tjera
Universitete të Tjera
32 products
Art & Kulturë
Art & Kulturë
3 products
Libraria Universitare UBT