Synimi i ketij libri është njohja e studentëve të profileve ekonomike me konceptet bazë të së drejtës, kryesisht të së drejtës civile. Nëpërmjet kapitujve të ndryshëm të librit studentet prezantohen me konceptin e së drejtës, ndarjet e saj dhe raportin e së drejtes me shkencat e tjera, raportin e se drejtës me shtetin, dallimin midis të drejtës private dhe së drejtës publike, raportin e së drejtës civile me degët e tjera të së drejtës, kuptimin e burimeve të së drejtës dhe hierarkinë e tyre të parashikuar në Kushtetutë.
Gjithashtu studentet arrijnë të përfitojnë një orientim të drejtë shkencor mbi marrëdhëniet që rregullon pjesa e përgjithshme e Kodit Civil dhe konkretisht te marrin informacionin e nevojshëm në lidhje me subjektet e së drejtës civile, personin fizik dhe personin juridik së bashku me cilësitë juridike që i karakterizojnë; të kuptojnë veprimin juridik dhe llojet e tyre.
Studentet të jenë në gjëndje të kuptojnë dhe të dallojnë institutet e së drejtës civile si institutin e përfaqësimit, parashkrimit, pronësisë dhe trashëgimisë me gjithë vecoritë e tyre.