Modelet, praktikat dhe politikat e zbatuara në administrimin e sektorit publik kanë qenë të ndryshem në vende të ndryshme dhe në periudha të ndryshme. Ato kanë reflektuar në masë të madhe doktrinat ekonomike dhe kanë udhëhequr zhvillimin e shteteve moderne. Në këtë kontekst dijet dhë njohuritë mbi to janë interes i një numuri të gjerë aktorësh dhe faktorësh dhe në mënyrë të veçantë i profesionistëve të rinj.

Administrimi publik është një prej disiplinave që ze një vend të dukshëm në të gjitha  programet e studimit të fushës ekonomike në tërrësi duke ofruar njohuri mbi administrimin dhe menaxhimin e sektorit publik.

Ky modul do ti shërbejë studentëve por edhe një numuri më të gjerë lexuesish të interesuar mbi administrimin e sektorit publik. Moduli synon që:

• Studenti të jetë në gjendje të interpretojë natyrën e administrimit publik, kontekstin e studimit, të njohë dhe shpjegojë arsyet e krijimit të oragnizatave publike.
• Studenti të jetë në gjendje të njohë dimensionet e administrimit publik dhe njohë dhe argumentoje ofertën e institucioneve publike dhe kërkesën për institucione publike.
• Studenti të jetë në gjendje të njohë parimet e administimit publik, shkollat e drejtimit dhe specifikat e secilës prej tyre.
• Në rolin e drejtuesit të një organizate publike, të aftësohet studenti në drejtim të procesit të marrjes së vendimeve për të gjitha problemet me të cilat mund të përballet ajo.
• Studenti të njohë në teori dhe të mund të zbatojë në praktikë funksionet e drejtimit të organizatave publike.