– Libri fillimisht është konceptuar për realizimin e programit të informatikës për studentët e fakultetit të Shkencave Pyjore, të Mjekësisë Veterinare dhe në ndihmë të fakulteteve të tjera.
– Trajtimet që janë bërë në të i kalojnë kufinjët e një teksti mësimor. Ai shërben dhe ndihmon në punën e përditshme ekonomistët, inxhinierët, specialistët e bujqësisë dhe pyjeve dhe studiuesit e fushave të tjera, që në punën e tyre përdorin matematikën, statistikën, informatikën, bazën e të dhënave etj.
– Në fillim, në libër, jepen disa disa koncepte bazë për Ms. Excel 2010, që është bazë dhe për versione të tjera më të larta.
– Më tej tregohet si llogaritën vlerat e një serë funksionesh matematike, statistike, inxhinierike, financiare, llogjike si dhe zbatimet praktike të tyre, si ndërtimi i listëpagesave, preventivave, problemet qe dalin në marrjen e kredive, ndërtimi i grafikëve të lloje të ndryshme etj.
– Në vazhdim jepet zgjidhja e ekuacioneve me një e dy ndryshore, të gradës parë, dytë e tretë, zgjidhja e sistemit të ekuacioneve duke përdorur matricat, ndërtimi i tabelave të gatshme për llogaritje vlerash të funksioneve të ndryshme matematike.
– Për të gjithë ata që në punën e tyre të përditshme u duhet të përdorin një bazë të dhënash (database) të thjeshtë u vjen një ndihmë një kapitull i veçantë i trajtuar në libër.
– Zgjidhja e problemeve të programimit linear me shembuj konkret, zgjidhja e sistemit të ekuacioneve, inekuacioneve, gjetja e ekstremumeve, trajtohen gjërsisht në një kapitull të këtij libri.