Në filozofinë e ekonomisë është e rëndësishme të bëhet një dallim qëllimi i të cilit fokusohet në ndryshimin midis njohjes nga njëra anë dhe të kuptuarit nga ana tjetër.
Njohja ka të bëjë me krijimin e kornizës së përgjithëshme të dukurisë ekonomike. Ndërsa të kuptuarit ka të bëjë me bërjen prezente të domosdoshmërisë së ekzistencës së dukurisë ekonomike evidencimin e shkaqeve, përcaktimin e mënyrës së funksionimit, lidhjeve e ndikimeve reciproke me dukuri të tjera dhe përcaktimin e treguesve që kushtëzojnë përmasat e shtrirjes, intesitetin e dukurisë etj.
Në procesin e zhvillimit, tregu i punës afron një progres ekonomik në rrafsh historik të evidencuar dhe me diferencime, përsëritje të fakteve ekonomike të domosdoshme njohja e të cilave perben kërkesë si për përgatitjen profesionale jo vetëm të studentëve por dhe të specialistëve të interesuar në këtë fushë. Këtij qëllimi i shërben edhe teksti Ekonomia e Punës.
Pjesë përbërëse e këtij teksti janë problemet e tregut të punës si kërkesa dhe oferta e punës, papunësia dhe politikat e punësimit, varfëria dhe përjashtimi social, pagat e punës, edukimi dhe trajnimi, migracioni dhe politikat migrative, problemet institucionale të punës, etj.