Ekstensioni përfaqëson një proçes dinamik në kuadër të zhvillimit më të përgjithshëm bujqësor e rural të vëndit tonë,sikurse të cdo vendi tjetër në botë. Ai lidhet me edukimin bujqësor, me kërkimin dhe me disa elemente të politikave agrare, që në tërësi përbëjnë atë që sot karakterizohet si Sistemi i Njohurive Bujqësore.
Që ekstensioni bujqësor të funksionojë si I tillë duhen ekstensionistë profesionistë, të aftë për të nxitur fermeret të pranojnë ndryshimet e sugjeruara e për tu mësuar atyre teknikat dhe metodat e nevojshme për realizimin e këtyre ndryshimeve.
Libri synon të mbulojë nevojat bazë të studentëve që studiojnë në të gjitha degët e ekonomisë bujqësore për njohuri në fushën e ekstensionit bujqësor,e njëkohësisht tu ofrojë një substancë të dobishme specialistëve të këtij shërbimi, studiuesve,funksionarëve shtetërorë apo privatë dhe mësimdhënësve gjate ushtrimit të veprimtarive të tyre.
Libri Ekstension është produkt i një eksperience të gjatë didaktike në Universitetin Bujqësor të Tiranës dhe asaj të fituar përmes specilizimeve,projekteve të përbashkëta dhe kontakteve të shpeshta të autorit me studiues e mësimdhënës të universiteteve perendimore, me popullsinë rurale të vëndit si dhe me specialist të Ekstensionit Bujqësor që punojnë në terren apo në strukturat e dikasterit përkatës që mbulon këtë shërbim.
Në këtë punim jepet kuadri mbi bazën e të cilit, studenti mund të thellohet më tej në përmbajtjen e lëndës së ekstensionit bujqësor. Po ashtu, cdo specialist që punon në terren do të ketë mundësi të adaptojë apo të përshtatë parime që kanë lidhje me fushën shkencore që mbulon dhe me kushtet konkrete të punës së tij për të ndihmuar më me efektivitet fermerin.