Teksti Kooperimi dhe Integrimi në Bujqësi është hartuar në përputhje me programin e modulit që zhvillohet me studentët e Dep. Drejtim Agrobiznesi, si dhe Dep. Ek. & Politikate Zhvillimit Rural, te FEA_s, ne ciklin e dyte te studimeve Master Profesional. Kooperimi në bujqësi përbën aktualisht një nevojë imperative në veprimtarinë e fermave, në funksion të shtimit të prodhimit, rritjes së partneritetit në tregje dhe mbi të gjitha, rritjen e nivelit të integrimit të fermave në këto tregje. Ai ofron trajtime të rëndësishme teorike në fushën e kooperimit të bujqësisë, të cilat janë gërshetuar me ato metodike dhe praktike. Teksti është strukturuar në trembëdhjetë kapituj, brenda të cilëve lexuesi do të gjejë informacionin e nevojshëm për njohje dhe për thellim të njohurive të tij për një varg problemesh, ndër të cilat mund të përmenden: Ç’është kooperimi dhe ç’janë kooperativat e fermerëve në bujqësi; vlerësimi i potencialeve kooperuese në bujqësinë shqiptare; teoritë ekonomike të kooperativave dhe dallimet e tyre nga teoritë e firmave; llojet e kooperativave, mënyrat e organizimit dhe të funksionimit të tyre, duke u ndalur veçanërisht tek kooperativat e prodhimit, furnizimit, marketingut, kreditit etj; marketingu i kooperativave; ekipet dhe funksionet e drejtimit të veprimtarisë së kooperativave; burimet e sigurimit të pasurisë, llogaritja dhe shpërndarja e rezultatit të veprimtarisë; si të organizohet dhe të vihet në funksionim një kooperativë të fermerëve, statuti i kooperativës etj.