Virologjia është një degë e shkencës së biologjisë që merret me studimin e  viruseve dhe të sëmundjeve virale që ata shkaktojnë. Si degë e shkencave  eksperimentale, zhvillimi i njohurive tona eksperimentale ka qënë i varur në bazë të zhvillimit të teknikave. Fillimisht virusët, ashtu si dhe mikrobët e tjerë, janë studjuar duke u nisur nga interesat e patologëve për shkakun e sëmundjeve infektive në kafshë, njerëz dhe bimë.

Kur u zbuluan virusët e bakterieve në vitin 1915 – 1917, lindi një shpresë se me anën e tyre mund të kontrolloheshin sëmundjet bakteriale si kolera  dhe dizenteria, gjë që stimuluan mjaft kërkimet përkatëse në këtë drejtim.
Ideja që virusët mund të përdoreshin për të studjuar problemin fondamental  të biologjisë, bëri që në fillim të viteve 1940 të krijohej grupi i zhvillimit të fagëve. Këto studime ndihmuan që të krijohej një degë e re e biologjisë molekulare, gjë e cila çoi në revolucionarizimin e studimit të virusëve. Kjo histori e shkurtër i përket periudhës së para viteve 1980.